东方日报：培力药业集团主席陈宇龄先生获颁浸大荣誉院士衔

东方日报：培力药业集团主席陈宇龄先生获颁浸大荣誉院士衔

东方日报2011年9月7日 第A16页

http://orientaldaily.on.cc/cnt/news/20110907/00176_089.html

浸会大学寻日颁授荣誉院士畀四位杰出人士。其中一位获此殊荣嘅，系于教育界中有卓越贡献嘅范锦平。

高足赵国雄捧场

范先生早年于浸大英文系毕业，旋即投身教育工作几近三十年，可谓桃李满门，佢嘅其中一位高足长实执董赵国雄寻日都有嚟撑场。

赵国雄话范先生系佢中学时嘅英文科老师。除咗一般课堂知识，范先生亦传授咗唔少做人道理，例如「得人恩果千年记」呢句说话，赵国雄就铭记在心，所以恩师获颁荣誉院士，几唔得闲都要嚟撑场。

范锦平就话自己初执教鞭就遇上赵国雄，两人嘅年龄差距好小，日后咁啱大家都系浸大校友，而赵国雄嘅岳父又系佢嘅粤曲导师，所以两人相当有缘。

大辉感激「开荒牛」

明白得人恩果千年记呢个道理嘅，仲有立法会议员林大辉，大辉话林大辉中学依家薄有名气，全靠范先生当年出掌首位校长之职，做完开荒牛之后即宣布退休，对佢嘅付出真系非常感激。

获颁荣誉院士嘅仲有率先将中药制成即服颗粒嘅培力药业集团主席陈宇龄。佢嘅表哥彭浩明就同太太彭徐美云现身支持。

陈宇龄话，目前仲有唔少中医，认为中药制成即服颗粒后，药效会大打折扣，其实只要有效控制生产过程，药效无大差异，故此佢虽得此殊荣，仍声言要为中医药嘅现代化努力。